LUSH Karma Gift

Vërtet ndihet si Karma!

Ka pak shpirt hippy te secili prej nesh. Lëreni të dalë në pah me tre produkte ikonike me aromën Karma, secili i parfumuar me një kombinim karakteristik të patchouli-t, agrumeve gjallëruese dhe erëzave të ngrohta — mjaftueshëm hippy për ju?

Seti vjen i paketuar bukur në një kuti me dizajn të personalizuar nga dizajnerja jonë e dhuratave, Shannon Lund, e cila u frymëzua nga “estetika e gjallë dhe motivet e posterave psikedelikë të grupeve muzikore të viteve 1960.”

Nga çfarë përbëhet kjo dhuratë?

Kutia: Kutitë tona shumëngjyrëshe me strukturë të valëzuar prodhohen në Mbretërinë e Bashkuar me 100% fibra të ricikluara. Prodhuesi i vlerësuar me çmime bashkëpunon ngushtë me ekipin tonë të kërkimit dhe zhvillimit për të krijuar zgjidhje inovative. Në përputhje me standardet tona etike, punonjësit paguhen me pagë të përshtatshme jetese dhe u ofrohen mundësi të reja zhvillimi brenda kompanisë.

Mund ta dhuroni përsëri, ta ripërdorni ose ta ricikloni kutinë.

Përmbajtja

LUSH Karma Single Wick Candle Scented Candle

200G

Aroma jonë ikonike rikthehet për të mbushur ambientin me dritë të ngrohtë, energji pozitive dhe aromat karakteristike hippy të rrugëve të Londrës në vitet ’70. Këtë aromë të veçantë e kemi rikrijuar në formën e një qiriu për shtëpinë, me një kombinim të ngrohtë të portokallit të ëmbël, patchouli-t intensiv dhe vajrave drunorë të pishës.

Çfarë fitoni prej tij?

• Pa OMGJ.
• Pa sojë.
• 100% vegan.
• Bazë dylli pa parafinë.
• Përhapje më e mirë e aromës, për ta mbushur ambientin më intensivisht se më parë.
• Kohë djegieje e përmirësuar deri në 30 orë.
• Kuti metalike e zezë, 100% e riciklueshme ose e ripërdorshme, tani edhe me kapak për të ruajtur aromën kur qiriu nuk është i ndezur.

Duke e lënë botën më “Lush” se sa e gjetëm

Është e rrallë të gjeni një qiri me një formulë të tillë. Qirinjtë tanë prodhohen me një përzierje dyllërash bimore pa parafinë, pa OMGJ, pa sojë dhe të përshtatshëm për veganët, duke përfshirë vaj kokosi dhe vaj ricini.

Synojmë të reduktojmë kostot e paketimit, në mënyrë që më shumë vlerë të shkojë te vetë produkti. Duke zëvendësuar enët prej xhami me kuti metalike të riciklueshme*, përfitoni më shumë qiri dhe më shumë aromë për ambientin tuaj.

*Pastrojeni mirë kutinë bosh të qiriut përpara riciklimit.

Mos e lini kurrë qiriun e ndezur pa mbikëqyrje dhe mbajeni larg fëmijëve dhe kafshëve shtëpiake.

Paralajmërim

I dëmshëm për organizmat ujorë, me efekte afatgjata. Shmangni çlirimin e produktit në mjedis. Hidhni përmbajtjen dhe enën në një pikë të autorizuar grumbullimi, në përputhje me rregulloret lokale.

Përbërësit

Përmban: 1-(1,2,3,4,5,6,7,8-octahydro-2,3,8,8-tetramethyl-2-naphthalenyl)ethanone, cinnamaldehyde, citral, hydroxycitronellal, lauric aldehyde, linalool, linalyl acetate, alpha-pinene, beta-caryophyllene, d-limonene, dl-limonene (racemic).

Mund të shkaktojë reaksion alergjik.

Përdorimi dhe siguria

Prisni fitilin pas përdorimit ose përpara ndezjes së radhës për të siguruar një djegie të njëtrajtshme. Vendoseni qiriun e ndezur mbi një mbajtëse ose pjatë për të mbrojtur sipërfaqet. Përdoreni në një ambient të ajrosur mirë dhe shmangni korrente të forta ajri. Koha ideale e djegies është 3–4 orë. Fikeni me kujdes.

_____________________________________________________________________________________________

LUSH Karma Massage Bar

65G

Masazh meditativ me patchouli.

Shijoni një masazh relaksues me këtë massage bar bestseller me aromën ikonike Karma. Një përzierje karakteristike, pikante dhe gjallëruese me vaj portokalli brazilian, pishë pastruese dhe patchouli me aromë tokësore. Paqe dhe dashuri!

Massage bars të Lush janë formuluar me gjalpë kakaoje organik Fair Trade dhe gjalpë shea organik, të cilët janë natyralisht të pasur me vitaminë E. Ato përmbajnë vajra esencialë të cilësisë së lartë, të zgjedhur për aromën e tyre të bukur dhe vetitë kujdesëse për lëkurën.

Burimi ekskluziv i gjalpit organik të kakaos Fair Trade të përdorur në massage bars tona vjen nga komunitete që jetojnë pranë pyllit tropikal Gola në Sierra Leone, një zonë e pasur me biodiversitet dhe habitat i hipopotamëve pigme. Furnizuesi ynë mbështet fermerët në mbrojtjen dhe ruajtjen e pyllit, duke nxitur praktika kultivimi që respektojnë biodiversitetin dhe reduktojnë shpyllëzimin.

Me shtatë qendra prodhimi në mbarë botën, ky informacion mund të ndryshojë në varësi të vendit ku është prodhuar produkti juaj Lush.

Ky massage bar përdoret gjithashtu në Lush Spa, në trajtimin Karma, një masazh 65-minutësh për të gjithë trupin i frymëzuar nga Ayurveda, i realizuar nga dy terapistë që masazhojnë në mënyrë të sinkronizuar.

Si të ruhet?

Mbajeni këtë massage bar të freskët dhe të pastër në një enë me kapak, si kutitë ovale të Lush.

Paralajmërim për shkrirjen

Ruajeni në një vend të freskët dhe larg rrezeve direkte të diellit. Në mot shumë të nxehtë, mbajeni në frigorifer për të shmangur shkrirjen.

Përbërësit 

Shea

• Kondicionues
• Hidratues
• Zbutës

Patchouli

• Aromë tokësore
• Qetësues dhe balancues
• Antibakterial

Portokall

• Astringjent
• Pastrues
• Gjallërues

Lemongrass

• Aromatizues
• Ndihmon në ngritjen e humorit
• Antiseptik

theobroma cacao seed butter (fair trade organic cocoa butter), butyrospermum parkii butter (organic shea butter), parfum, dark sumatran patchouli oil, brazilian orange oil, lavandula oil/extract (lavandin oil), pinus sylvestris oil (pine oil), cymbopogon flexuosus leaf oil (lemongrass oil), canarium commune gum oil (elemi oil), benzyl benzoate, cinnamal, citral, citronellol, coumarin, eugenol, farnesol, geraniol, hydroxycitronellal, limonene, linalool.

Përdorimi

Shkrijeni lehtë massage bar-in direkt mbi lëkurë të thatë dhe masazhoni vajrat dhe gjalpat në lëkurë. Nëse produkti është i ftohtë, ngroheni fillimisht mes duarve për ta zbutur dhe shkrirë.

Massage bars të Lush janë të pasura me vajra, ndaj mund të aplikoni aq produkt sa dëshironi dhe ta riaplikoni sipas nevojës.

_______________________________________________________________________________________

LUSH Karma Perfume

10ML

Patchouli, portokall brazilian dhe pishë.

Ky kombinim ikonik i patchouli-t me karakter dhe agrumeve gjallëruese ka kaluar nëpër shumë epoka dhe ka gjetur vend në shumë histori. Ndiqni energjinë e tij dhe udhëtoni pas në kohë drejt Kensington-it të viteve ’70, ku aromat e temjanit mbushin rrugët, protestat janë në ajër dhe një gjobë parkimi nuk është thjesht ters — është vërtet karma e keqe.

Çfarë fitoni prej tij?

Ideal për: të shpërndani pak karma vërtet të mirë.

• Vaji i patchouli-t: i thellë, tokësor dhe balancues.
• Vaji i portokallit brazilian: i gjallë, citrus dhe energjik.
• Vaji i lemongrass-it: gjallërues, bimor dhe freskues.

Duke e lënë botën më “Lush” se sa e gjetëm

Etanoli organik ndihmon në transferimin e aromës nga shishja në lëkurë, duke lejuar që parfumi të shpërndahet në mënyrë të njëtrajtshme, ndërsa mbështet biodiversitetin. Ai prodhohet në Brazil nga kallam sheqeri i kultivuar në mënyrë rigjeneruese, duke përdorur energji të rinovueshme.

Vaji esencial i lemongrass-it sigurohet nga fermerë në Indinë Lindore, të cilët përdorin distilim direkt në terren, praktika qarkulluese dhe metoda që minimizojnë ndërhyrjen në tokë.

Si të ruhet?

Ruajeni parfumin në një vend të freskët dhe larg rrezeve direkte të diellit ndërmjet përdorimeve.

Përbërësit

Patchouli

• Aromë tokësore
• Qetësues dhe balancues
• Antibakterial

Pishë / Bredh

• Aromatizues
• Antimikrobik
• Freskues

Lemongrass

• Aromatizues
• Ndihmon në ngritjen e humorit
• Antiseptik

Portokall

• Astringjent
• Pastrues
• Gjallërues

alcohol denat. (organic), parfum, aqua (water), limonene, pogostemon cablin oil (patchouli oil), glycerin, brazilian orange oil, lavandula oil/extract (lavandin oil), pinus sylvestris oil (pine oil), cymbopogon flexuosus leaf oil (lemongrass oil), canarium commune gum oil (elemi oil), cassie absolute, cinnamal, citral, geraniol, citronellol, linalool, benzyl alcohol, benzyl benzoate, benzyl cinnamate, cinnamyl alcohol, hydroxycitronellal, isoeugenol, coumarin, eugenol, farnesol.

Përdorimi

Spërkatni disa herë në pika të zgjedhura të lëkurës.

Nëse e aplikoni pas dushit ose banjës, rekomandohet të prisni derisa lëkura të ftohet pak, në mënyrë që parfumi të qëndrojë më mirë dhe për më gjatë.